A Concellaría de Cultura, Educación e Participación Veciñal, que preside Jesús Castiñeira Diz (CdT), é a encargada da Área de Educación. Isto comprende a relación cos colexios de infantil e primaria, co Centro Rural Agrupado (CRA) e cos outros centros de ensino do Concello co fin de velar polo seu bo funcionamento.
Esta concellaría é a encargada tamén da área de cultura na cal se elabora unha programación anual na que teñen cabida espectáculos de música, teatro, monicreques,...
Ademais organiza a Cabalgata de Reis, o Entroido e a Festa do Kiwi.
Está asesorado polo Consello da Cultura, creado no ano 2008, e que integra a representación das principais asociacións do termo municipal, así como persoas relevantes da cultura tomiñesa.
Por outra banda, tamén se encarga de fomentar o asociacionismo veciñal e da coordinación do emprego dos espazos públicos.