PORTADA  |   O CONCELLO  |  ACTUALIDADE  |  CONCELLARÍAS  |   TURISMO  |  MULTIMEDIA  |  e-OFICINA  |  CONTACTO

SERVIZO DE NORMALIZACIÓN LINGÜÍSTICA Tomiño dispón dun Servizo Municipal de Normalización Lingüística, un elemento indispensable no proceso de recuperación e dinamización do galego. O obxectivo principal deste departamento consiste en incrementar o uso e o prestixio da nosa lingua en todos os ámbitos do termo municipal. O Concello quere demostrar o seu compromiso co idioma propio e oficial, prestándolle atención especial ao proceso de normalización lingüística a través da galeguización dos seus servizos e poñendo en marcha programas dirixidos á poboación para conseguir a implicación de todos os colectivos neste proceso. DESCRICIÓN E FUNCIÓNS DO SNL O SNL é un servizo do Concello de Tomiño que nace coa idea de ser un elemento dinamizador do uso do galego tanto dentro como fóra do Concello. Os seus obxectivos principais son incrementar o uso social da lingua, contribuír á completa galeguización da administración local e mellorar a calidade das producións lingüísticas. O SNL está situado na Casa do Concello e pódese dirixir a el persoalmente, por teléfono ou ben por correo electrónico. Servizo de Normalización Lingüística Concello de Tomiño Praza do Seixo, s/n. C.P. 36740 – Tomiño Teléfono: 986 622 001 Fax: 986 622 530 E-mail: snl@concellotomino.com AS FUNCIÓNS DO SNL Os servizos que presta o SNL do Concello e Tomiño miran tanto cara ao aspecto organizativo da Administración local como cara ao conxunto da cidadanía e ás súas necesidades l ingüísticas. Deste xeito, as facetas do SNL pódense dividir en tres áreas fundamentais: Asesoramento        – Lingüístico e terminolóxico para toda a veciñanza.        – Corrección documental.        – Tradución de textos breves.        – Dereitos e deberes lingüísticos.        – Subvencións e axudas para impulsar o uso da lingua galega. Formación        – Xestionar a realización de cursos de lingua galega para a poboación en xeral.        – Detectar as necesidades formativas do cadro de persoal do concello para deseñar un programa de formación           lingüística.        – Difundir materiais que faciliten o traballo diario e contribúan ao aumento da competencia lingüística. Dinamización        – Campañas e accións para promover o uso da lingua nas actividades cotiás da cidadanía nos distintos sectores da           sociedade.        – Actividades co obxectivo de acabar cos prexuízos lingüísticos que impiden o uso da lingua galega en certos           sectores.        – Coordinación con outros departamentos na realización de actividades. LIGAZÓNS RELACIONADAS        – A Mesa pola Normalización Lingüística        – Ciberlingua        – Correlingua        – Centro de Documentación Sociolingüística de Galicia        – Consello da Cultura Galega        – Centro Ramón Piñeiro para a Investigación en Humanidades        – Dirección Xeral de Política Lingüística        – Biblioteca Virtual Galega        – Culturagalega.org        – Galego.org        – As uvas na solaina TEXTOS PARA DESCARGA        – Normas ortográficas e morfolóxicas do idioma galega        – Lei de normalización lingüística        – Plan Xeral de Normalización da Lingua Galega        – Dereitos lingüísticos        – Manual básico de documentación administrativa        – Manual de estilo do Concello de Tomiño        – Recomendacións para unha linguaxe non discriminatoria na administración pública        – DOG sobre a toponimia        – Toponimia de Tomiño

Concello de Tomiño