Esta carreira é puntuable para o circuito CORRER EN GALICIA.

 Nesta III Carreira Popular de Amorín, participan  persoas con discapacidade. Todas as asociación ou entidades que aporten persoas con discapacidade psíquica, para participar na carreira, serán agasalladas cun trofeo conmemorativo.

Paralelamente á carreira, haberá unha andaina pola beira do Rio Furnia, (Aula Aberta do Río Furnia) con saída ás 11 horas, dende a igrexa de Amorín, para todas aquelas persoas que o desexen, non sendo preciso realizar inscripción previa. O percorrido aproximado é de 4 km, con nivel de dificuldade baixa. É aconsellable levar calzado axeitado.

Para inscribirse, ou ter toda a información necesaria referente a esta carreira, coma horarios, inscricións, categorías, percorridos, etc.  Visiten a web www.damorin.es   no apartado III Carreira de Amorín  ou  no enderezo electrónico avdamorin@gmail.com

A Comisión de Festas da Virxe da Peregrina de Estás organiza, en colaboración co Concello de Tomiño e o Centro Social de Estás a XVI Festa da Empanada. A festa ubicarase nunha gran carpa no recinto do Centro Social. Haberá empanadas variadas, viño do pais e o evento estará amenizado polo grupo Airiños do Miño.

 Faustino Rey Romero naceu en Santa María de Isorna (Rianxo), e estudiou para cura no seminario de Tui. Ordenouse en 1948, e foi párroco en dúas parroquias do Baixo Miño: Currás e Amorín. Rey Romero tiña fillos que o trataban de paí e non de padre nin tío, sen ningún escándalo da parroquía, pero si da xerarquía eclesiástica. Problemas co bispado levaríano a trasladarse a Buenos Aires, onde exerceu na parroquía de Balbanera e rematou os seus días.

Publicou a Teoría general de la existencia e dous libros de poesía en castelán. En galego, deu ó prelo Doas de vidro (1951), Catro sonetos ó destino dunha rosa (1952), Escolanía de melros (1959), e Poema das materias sagras (1960).

A poesía de Rey Romero ten unha especial tenrura franciscanista. Na Escolania de melros constrúe uns sonetos de gran perfección e domina o hendecasílabo como moi poucos poetas da nosa lingua o fixeron. Do Poema das materias sagras di Méndez Ferrín: "...semella próximo á poesía católica de Paul Claudel e presenta unha excelente tersura formal e unha ousadía, por veces grande, na creación de imaxes e relacións culturais".

 A primeira conferencia terá lugar na Casa dos Mestres de Amorín ás 11:00h. e o tema a tratar será A escolanía de Faustino Rey Romero: pombas e serpes.

 A segunda conferencia será na Casa Veciñal de Currás ás 19:30h. e versará sobre Faustino Rey Romero: poemas á deriva.

 As conferencias serán impartidas por X. Ricardo Losada.

 X. Ricado Losada naceu en Rianxo en 1961. É profesor de filosofía no IES Espiñeira de Boiro. Publicou O xene da chuvia, un libro de relatos filosóficos, e Dez anos de poesía. Premio Faustino Rey Romero. Participou en varios libros colectivos de relatos e ten publicados ensaios de diferentes temáticas en revistas como Alameda, Casa da Gramática e A Trabe de Ouro. Ten comprometida a publicación dunha biografía sobre Faustino Rey Romero. É secretario da Asociación Cultural Barbantia e coordina no suplemento comarcal do Barbanza de La Voz de Galicia a sección Acasos, na que tamén escribe artigos literarios e de opinión.

 Rober Bodegas (nacido en Carballo), monologuista e contacontos (de maiores…) é o gañador do “Rei da Comedia”, programá que TVE emitiu as noites dos sábados e no que se buscaba ao mellor cómico do país entre máis de 3.000 aspirantes.
Antes diso había triunfado na súa terra sendo gañador do “Certame de dramatización de monólogos cómicos” do Festival Internacional Outono de Teatro, do certame de comedia da “Bienal da caricatura de Ourense” e finalista de outros concursos.
Estudiou comedia con Leo Bassi, Jango Edwards e Álex Navarro entre outros e levou os seus espectáculos por todo o país. Compartiu escenario con alguns dos mellores contadores e monologuistas como Luis Piedrahita, Javier Veiga, Don Mauro, Quequé ou Flipy e foi colaborador da emisora de radio RadioVoz. Actualmente compaxina as súas actuacións en solitario co espectáculo teatral “Contamos contigo” xunto a Quico Cadaval, Cándido Pazó e Paula Carballeira e tamén colabora no xornal La Voz de Galicia. Ademáis é guionista e colaborador do programa que Globomedia produce para La Sexta, “Sé lo que hicisteis...”

Este artista vigués é especialista nas facetas máis cómicas do teatro e nos monólogos.

Esta última faceta, a de monologuista, é a que vai desempeñar o vindeiro sábado día 2 de abril en Tomiño. Coa súa especial prosa e ese xeito inigualable de "contar", Cándido Pazó entreterá e fará rir ó público de Tomiño a partir das nove do serán.

O vindeiro venres 25 de Marzo, no Auditorio de Goián (Tomiño), poñerán en escea a súa primeira producción, “SHOAH”.

 “SHOAH” é unha reivindicación das liberdades humanas, a liberdade de ser, pensar e creer, e sobre todo de respetar o ser, pensar e creer dos outros. Tomando como punto de partida a barbarie do holocausto xudeo, o que pretenden é, advertir no espectador o que pode desatar o fanatismo e a intolerancia.

 “O que sucedeu é un aviso, esquecelo é un delito”

Dende o día 5 ao 28 de febreiro, estarán expostos no Auditorio de Goián os traballos da pintora Mª Carmen Cameselle. A inauguración será o sábado 5 de febreiro ás 12,00 horas.

O 11 de decembro ás 12:00h terá lugar a inauguración da Exposición fotográfica "Lendas dunha Meiga: O mundo a través dos seus ollos" no Auditorio de Goián. Esta mostra da artista Paula Fernández Nóvoa permanecerá no Auditorio dende o día 11 ao 31 de decembro.

Ás 20:00h no Auditorio de Goián, presentación do coro infantil da Coral Polifónica de Tomiño.

Organiza  a Escola de Danza Contemporánea  e o Padroado de Cultura de Narón en colaboración con:

Escola de Teatro e Danza de Tomiño

Escola de Danza Contemporánea de Narón

Conservatorio de Danza de A Coruña

Conservatorio de Danza de Lugo

Aula de Danza da Universidade de A Coruña

Concerto de tango a cargo do grupo La Minitípica, acompañado dos seus bailaríns ás 21:30h.

EXPOSICIÓN DE PINTURA COLECTIVA NA CASA DA CULTURA DE TOMÑO DENDE O 18 AO 29 DE MARZO DE 2010. ORGANIZA A ASOCIACIÓN ARTÍSTICO-CULTURAL DE PONTEVEDRA.
INAUGURACIÓN O XOVES 18 DE MARZO ÁS 20 HORAS NA CASA DA CULTURA.

CICLO DE CINE DOCUMENTAL OS DOMINGOS 7, 14 E 21 DE MARZO ÁS 18 HORAS NO AUDITORIO DE GOIÁN

Exposición de escultura a cargo de Ignacio Moure. A inauguración terá lugar o venres 5 de marzo ás 19:30 horas.